Ka nisur sërish grumbullimi i protestuesve në tre komunat në Veri të Kosovës, në atë të Zveçan, Zubin Potok e Leposaviq.
Mësohet se të pranishëm në zonë janë dhe trupat e KFOR-it por dhe atë të policisë së Kosovës, të cilët po kujdesen për ruajtjen e rendit.
Kujtojmë se ditën e djeshme, nga situata e tensionuar mbetën të plagosur 25 pjesëtarë të KFOR-it, ndërsa u dëmtuan dhe u dogjën edhe vetura të mediave në Kosovë.
Nga ana tjetër, komandanti i misionit të KFOR-it, gjeneralmajor Angelo Michele Ristuccia i cili po ndjek zhvillimin e situatës, shprehu solidaritetin e tij me ushtarët e NATO-s që u plagosën gjatë përleshjeve dhe familjet e tyre.
Ai ka thënë se palët duhet të marrin përgjegjësin e plotë për atë që ka ndodhur.
“Për të shmangur përleshjet ndërmjet palëve dhe për të minimizuar rrezikun e pas përshkallëzimit, paqeruajtësit e KFOR-it parandaluan kërcënimet ndaj jetës së serbëve dhe shqiptarëve të Kosovës. Të dyja palët duhet të marrin përgjegjësinë e plotë për atë që ndodhi dhe të parandalojnë çdo përshkallëzim të mëtejshëm”, ka theksuar ai, raporton Telegraf.